شڪارپور ۾ تيل چوري ۽ ڀتاخوري جي الزام ۾ ايس ايڇ او سميت 5 اهلڪار معطل

شڪارپور(ن ڪ)شڪارپور ۾ تيل چوري ۽ ڀتاخوري جي الزام ۾ ايس ايڇ او سميت 5 اهلڪارن کي معطل ڪيو ويو آهي، ڊي پي او شڪارپور عبدالحميد کوسو ضلعي اندر پارڪو لائين مان تيل چوري ۽ مختلف روڊن تان ڊرائيورن کان زبردستي ڀتاخوري جي الزام هيٺ ايس ايڇ او ڪرن شاهه ڏنو چانڊيو، جمعدار قربان ککراڻي، سرور نوناري، رياض شاهه، شبير شر، مزار مهر، خير محمد چانگ، توفيق شاهه، طالب ڪوري، ستار ميمڻ ۽ سپاهين خميسو بروهي، محمد عمر بروهي، اسرار، غلام نبي چانڊيو، غلام محمد ابڙو کي معطل ڪري ڇڏيو، ان سلسلي ۾ ڊي پي او ٻڌايو ته اهلڪارن تي تيل چوري ۽ مختلف گاڏين جي ڊرائيورن کان ڀتاخوري جو الزام آهي، جاچ ڪري رهيو آهيان، ملوث هجڻ تي نوڪري ختم ڪئي ويندي.