”آئينو“ جي ڪاسٽ پاران سيريل جي ڀرپور ڪاميابي جون اميدون
ڪراچي
(ڪلچرل رپورٽر) ڪي ٽي اين تان نئون سوپ سيريل ”آئينو“ جلد ڌماڪو ڪرڻ وارو جنهن ۾
گهريلو مسئلن خاص طور سس، ننهن، نڻان ۽ ڀاڄائي وارن جهيڙن ۽ عشق جهڙي موضوع تي فوڪس
ڪندي ڏيکاريو ويوآهي. ”آئينو“ جو ڊائريڪٽر عبدالمنان عباسي ۽ رائيٽر عثمان ميمڻ آهي.
سوپ سيريل جي ڪردار اداڪار بشارت عباسي ”ڪاوش“ کي ٻڌايو ته گيرج مالڪ جي ڪردار ۾
ڏيکاريو ويو آهي، جنهن ۾ مون وٽ ڪجهه مستري به آهن جيڪي ڪم ڪن ٿا ۽ زال (مشعل) جيڪا
هڪ تيز ترار هوندي آهي جيڪا روزانو اهو چوندي آهي ته ماءُ پيءُ کان الڳ ٿي. هوڏانهن
هڪ طرف والدين ٻئي طرف زال جي ڪشمڪش ۾ مبتلا ٿي ويندو آهيان. هن ڪردار ۾ ڏسندڙن کي
هڪ تبديلي نظر ايندي جيڪو ڪڏهن به اهڙو ڪردار نه ڪيو آهي. اداڪاره مشعل فاطمه چيو
ته پهريون ڀيرو هڪ جهيڙي ڪار زال جو ڪردار ڪيو آهي جڏهن ته ان کان اڳ هڪ مظلوم ننهن
جو ڪردار ڪري چڪي آهيان پر هن ڪردار ۾ به ڏسندڙن کي ڪيئن ٿي لڳان اهو ڏسندڙ ئي
ٻڌائي سگهن ٿا. اداڪار امن بروهي چيو ته هڪ جاندار ڪردار خالد جو آهي جنهن ۾ هڪ
ڇوڪري سان عشق ٿي وڃي ٿو پر ان جا والدين ڏي وٺ جي شادي لاءِ زور ڀرين ٿا ۽ گڏو گڏ
تعليم کاتي جو رشوتي ڪلارڪ پڻ مون کي ڏيکاريو ويو آهي. اداڪاره روبي علي چيو ته هڪ
نوجوان کي پنهنجي عشق جي ڄار ۾ ڦاسايان ٿي ۽ ڀاءُ موالي هوندو آهي ان کي ڪير سڱ ڏيڻ
لاءِ تيار نه هوندو آهي پر مان ڏي وٺ جي شادي جو ضد ڪري موالي ڀاءُ جي شادي ڪرايان
ٿي. اداڪار حسين شابراڻي چيو ته اسان پاڻ ۾ ٽي ڀائر هوندا آهيون انهن سڀني ۾ ننڍو
مان هوندو آهيان ڪردار پازيٽو آهي ڏسندڙ هن ڪردار ۾ پسند ڪندا. اداڪاره نگهت سلطانه
چيو ته مظلوم ڇوڪري جو ڪردار آهي والد هيڊ ڪلارڪ هوندو آهي ۽ ٽي ڀائر هوندا آهن ۽
مان انهن جي اڪيلي لاڏلي ڀيڻ جو ڪردار ڪيو آهي. ڀاءُ جي خاطر مان هڪ موالي سان شادي
ڪريان ٿي جيڪا ڏي وٺ جي شادي هوندي آهي. پوري ڪهاڻي جي مرڪزي ڪردار اداڪار رشيد
صابر چيو ته فيملي جي سربراهه محمد بچل جو ڪردار آهي جنهن کي 3 پٽ هڪ نياڻي جو
اولاد هوندو آهي پر پٽن جي شادي ٿيڻ کان پوءِ گهر ۾ مسئلا جنم وٺن ٿا ۽ انهن کي حل
ڪرڻ جي ڪوشش ڪيان ٿو. ڊرامي جي رائيٽر عثمان ميمڻ چيو ته ڊرامي جي ڪهاڻي هڪ گهريلو
آهي جنهن ۾ پيار محبت، گهريلو جهيڙا ڏيکارڻ جي ڪوشش ڪئي اٿم ۽ سس ۽ ننهن جهيڙا جنم
ڇو ٿا وٺن انهن جو ڪارڻ ڇا آهي ۽ ٻيو ڪجهه جيڪو گهر گهر ۾ ڪهاڻيون جنم وٺن ٿيون،
ڊرامي جي ڪاسٽ ۾ بشارت عباسي، نگهت سلطانه، امن بروهي، مشعل فاطمه، حسين شابراڻي،
روبي علي، رشيد صابر، ممتاز سمون، اصغر ٿهيم، ايس ڀٽي ۽ ٻيا شامل آهن
The Kawish Group of
Publication
B/2 Civil Line Hyderabad,Sindh
Pakistan.
Phone:+92
(22) 2780026,2780027,2780525 Fax: +92 (22) 2780772,
2781167
Email:
kawish12@yahoo.com
----
thekawish_hyd@yahoo.com