گلوڪار ٿيڻ لاءِ تمام گهڻيون آڇون ٿيون پر سڃاڻپ نعت خوان آهي:فرحان قادري
ڪراچي
(ڪلچرل رپورٽر) ننڍي ڄمار رکندڙ مشهور نعت خوان فرحان علي قادري چيو آهي ته خواهش
آهي ته پوري عمر نعتون پڙهندو رهان، هن چيو ته مون کي گلوڪار ٿيڻ لاءِ ڪيتريون ئي
آڇون ٿيون آهن پر منهنجي سڃاڻپ نعت خوان آهي ۽ نعت خوان ئي سڏجڻ پسند ڪندس. اهڙو
اظهار هن ”ڪاوش“ سان ڳالهائيندي ڪيو، هن وڌيڪ چيو ته ستن سالن جي عمر کان نعتون
پڙهڻ شروع ڪيون آهن شروع ۾ مان گهر وارن کان لڪي ميلاد جي محفلن ۾ ويندو هئس جڏهن
اها خبر بابا کي پئي ته بابا خوشي سان اجازت ڏني ۽ نعت خوان ٿيڻ ۾ پڻ مدد ڪئي، هن
چيو ته سڀ کان پهرين مون نعت ”صرف ايڪ بار“ پڙهي هئي، جڏهن ته پاڻ اڄڪلهه ڏهين
جماعت جو شاگرد آهي. هڪ سوال جي جواب ۾ هن چيو ته نعت خواني واري مصروفيت سبب
پڙهائي ۾ ڪمزور ٿي پيو آهيان پر پوءِ به ڊاڪٽر ٿيڻ جو شوق آهي. هن چيو ته 2005ع ۾
پي ٽي وي پاران صوبائي سطح تي محفل ميلاد ۽ نعت خوانيءَ جو مقابلو ٿيو ۽ مون پهرين
پوزيشن حاصل ڪئي، پاڪستان سطح تي محفل نعت مقابلا ٿيو ان ۾ به پهرين پوزيشن حاصل
ڪئي. ريڊيو اسٽيشن ڪراچي ۽ حيدرآباد تان حمد ۽ نعتون پڙهندڙ نعت خوان فرحان قادري
ذات جو گوپانگ ۽ جيڪب آباد واسي آهي. سندس 13 البم مارڪيٽ ۾ اچي چڪا آهن.
The Kawish Group of
Publication
B/2 Civil Line Hyderabad,Sindh
Pakistan.
Phone:+92
(22) 2780026,2780027,2780525 Fax: +92 (22) 2780772,
2781167
Email:
kawish12@yahoo.com
----
thekawish_hyd@yahoo.com