|
هڱورجا ويجهو مسجد جو پيش امام ۽ واپاري اغوا هڱورجا/سوڀوديرو(نمائندن وٽان)هڱورجا ويجهو مسجد جو پيش امام ۽ واپاري اغوا، قومي شاهراهه تي مسافر گاڏين کان ڦرلٽ، هڱورجا ٿاڻي جي حد ۾ نامعلوم هٿياربند مڇر لنڪ روڊ وٽ موٽرسائيڪل تي سوڀوديرو کان هڱورجا ايندڙ مسجد جي پيش امام مولوي نذير احمد پتافي ۽ واپاري حاجي عزيزالله شيخ کي هٿيارن جي زور تي اغوا ڪري ويا، سندن موٽرسائيڪل به هٿ اچي ناهي سگهي، چيو وڃي ٿو ته مولوي نذير پتافي هگورجا جي شيخ محلي جي هڪ مسجد ۾جلسي جي سلسلي ۾ واعظ ڪرڻ لاءِ پنهنجي دوست واپاري عزيزالله شيخ سان گڏ اچي رهيو هو ته سندس وارثن سان فون تي رابطو ڪٽجي ويو. اهڙي اطلاع تي هڱورجا ۽ سوڀوديرو پوليس پهتي، مغوين جي وارثن ٻڌايو ته اسان جي ٻنهي همراهن کي اغوا ڪيو ويو آهي، اهڙي اطلاع تي ڊي پي او خيرپور پير محمد شاهه پهتو جنهن مغوين جي وارثن کان معلومات حاصل ڪئي ۽ کين مغوين جي فوري بازيابي جو يقين ڏياريو، ڊي پي او پير محمد شاهه چيو ته ٻنهي مغوين جي بازيابي لاءِ پوليس کي هدايتون ڪيون آهن جلد کين بازياب ڪرايو ويندو، ٻئي پاسي ساڳئي رات هڱورجا ڀرسان قومي شاهراهه تي نامعلوم هٿياربند حسن کجائي قبرستان سامهون ايندڙ ويندڙ گاڏين کان موبائيل فون، روڪ رقم ۽ ٻيو قيمتي سامان ڦر ڪري فرار ٿي ويا آهن،ٻنهي واقعن جو آخر تائين ڪيس داخل ٿي نه سگهيو هو، هوڏانهن واقعي خلاف سوڀوديرو ۾ شيخ برادري جو ڪاروبار بند رهيو. |
|
The Kawish Group of
Publication |