ٺري ميرواهه ۾نينگري جي قتل خلاف شاگردياڻين ۽ ماسترياڻين جو احتجاجي جلوس،ڌرڻو
ٺري مير واهه(ن ڪ) 5 ڏينهن اڳ
ڳوٺ محمد اسماعيل لغاري ۾ بيدردي سان قتل ٿيل گرلز هاءِ اسڪول ٺري مير واهه جي
نائين درجي جي شاگردياڻي 14 ورهين جي انيلا لغاري جي قتل واقعي خلاف ۽ جوابدارن جي
گرفتاري لاءِ گرلز هاءِ اسڪول جي شاگردياڻين ۽ ماسترياڻين ڪلاسن جو بائيڪاٽ ڪري هٿن
۾ شاگردياڻي جي تصوير ۽ پلي ڪارڊ کڻي احتجاجي جلوس ڪڍي ٺري-سيٺارجا روڊ تي اسپتال
جي گيٽ وٽ احتجاجي مظاهرو ڪري ڌرڻو هنيو ۽ ڇتي نعريبازي ڪندي جوابدارن کي سخت سزا
ڏيڻ جو مطالبو ڪيو، ان موقعي تي شاگردياڻين سپنا، عظميٰ، سونيا ۽ گلشاد لغاري ٻڌايو
ته بنا ڪنهن ڏوهه جي انيلا کي ننڍڙي عمر ۾ قاتل قتل ڪري انسانيت جا ليڪا لتاڙي ڇڏيا
آهن،هنن چيو ته مقتولا جو ڏوهه اهو هو ته هن تعليم جاري رکڻ پئي چاهي ۽ ننڍي عمر ۾
شادي کان انڪار ڪيو هو، شاگردياڻين مطالبو ڪيو ته قاتل کي عبرتناڪ سزا ڏني وڃي ۽
ڪيس ۾ ملوث سڀني جوابدارن کي گرفتار ڪيو وڃي.
The Kawish Group of
Publication
B/2 Civil Line Hyderabad,Sindh
Pakistan.
Phone:+92
(22) 2780026,2780027,2780525 Fax: +92 (22) 2780772,
2781167
Email:
kawish12@yahoo.com
----
thekawish_hyd@yahoo.com