|
”کير لاءِ ٽوڪن ڇو نه ورتو؟“:حيدرآباد ۾ پٽ ھٿان ٻڍڙي ماءُ رتورت حيدرآباد (اسٽاف رپورٽر) حيدرآباد جي سبزي منڊي رليف ڪئمپ ۾ کير لاءِ ٽوڪن نه وٺڻ تان بي رحم پٽ 80 سالن جي ٻڍڙي ماءُ کي اڌ مئو ڪري ڇڏيو، ان حوالي سان حاصل ڪيل ڄاڻ موجب حيدرآباد جي وڏي رليف ڪئمپ سبزي منڊي ۾ ڪنڊيارو لڳ ڳوٺ صحبتپور کان پناهه لاءِ پھتل ماءُ پٽ ۾ ان وقت جھيڙو ٿي پيو، جڏھن 80 سالن جي ٻڍڙي بيواهه خانزادي جتوئي کير لاءِ ورھائجندڙ ٽوڪن وٺڻ کان انڪار ڪيو، بي رحم پٽ عبدالحڪيم جتوئي کي ماءُ جي انڪار تي ڪو به رحم نه آيو، ھن کيس بيدردي سان وحشياڻي تشدد جو نشانو بڻايو، تشدد ۾ ٻڍڙي اڌ مئي ٿي وئي، ڪئمپ ۾ موجود ماڻھن توڙي مقرر پوليس اھلڪارن ٻڍڙي کي نه ڇڏايو، تشدد سبب بيھوش ٿيل ٻڍڙي کي ايمبولينس ذريعي سول اسپتال نيو ويو. |