|
جوهي ۾ٽي ايم اي آفيس کي تالا،شهري رنگ بند جي مضبوطي لاءِ سرگرم جوهي(ن ڪ) جوهي شهر کي ٻوڏ جي پاڻي کان بچائڻ لاءِ رنگ بند جي مضبوطي لاءِ شهري سرگرم، ٽي ايم اي آفيس کي تالا لڳي ويا، ان ڏس ۾ جوهي شهر کي ٻوڏ جي پاڻي کان بچائڻ لاءِ شهرين همٿ حوصلي ۽ ارادي جي مضبوطي سان اڄ چوٿين ڏينهن به رنگ بند کي محفوظ ڪرڻ جو ڪم ڪندا رهيا، ٻوڏ جو پاڻي هر ڪلاڪ بعد سطح ۾ واڌ آڻي رنگ بند تي دٻاءُ وڌائي رهيو آهي، اتي شهري وري نت نئين همٿ ۽ بهادري سان مٽي جون ڀريل ٻوريون ڪلهن تي کڻي بند کي مضبوط بڻائي رهيا آهن، جڏهن ته ٽي ايم اي جي واٽر سپلاءِ اسڪيم لاءِ نڪرندڙ پائيپ لائين مان پاڻي تيزي سان شهر ڏانهن وڌڻ لڳو، شهري ٽي ايم اي جي آفيس ۾ پهتا پر آفيس کي تالا لڳل هئا، جنهن بعد شهرين پائيپ لائيپ کي بند ڪيو، هوڏانهن سرڪاري سطح تي رنگ بند تي مشينري نه پهچڻ جو اختيارين نوٽيس وٺي هڪ بلڊوزر ۽ هڪ ايڪسڪيويٽر مشين پهچائي آهي، جڏهن ته 12 ٽريڪٽر شهرين فراهم ڪيا، جن کي ڊي سي او دادو تيل فراهم ڪري رهيو آهي، جوهي طرف ايندڙ هڪ وڌيڪ ايف پي بند جو رستو به بند ٿي ويو آهي، جنهن ڪري ڪوبه آفيسر چونڊيل نمائندو اڄ سڄي ڏينهن ۾ جوهي نه پهتو آهي. |
|
The Kawish Group of
Publication |