|
سنڌ جي تعليمي ادارن ۾ گرمي جون موڪلون جولاءِ ۽ آگسٽ ۾ ڪرڻ جو اعلان ڪراچي (بيورو رپورٽ) سنڌ سرڪار گرمين ۾ تعليمي ادارن جون موڪلون جون ۽ جولاءِ بدران جولاءِ ۽ آگسٽ ۾ ڪرڻ جو اعلان ڪيو آهي، سرڪاري ذريعن موجب اهڙو اعلان رمضان ۽ عيدالفطر جي موڪلن کي نظر ۾ رکندي ڪيو ويو آهي ته جيئن اهي موڪلون به گرمين جي موڪلن ۾ اچي وڃن ۽ شاگردن ۽ شاگردياڻين جي پڙهائي متاثر نه ٿئي، ان ڏس ۾ وڏي وزير سيد قائم علي شاهه تعليمي ادارن ۾ جولاءِ ۽ آگسٽ موڪل ڪرڻ جي منظوري ڏئي ڇڏي آهي، تعليم کاتي پاران سمري موڪلي وئي هئي ته گرمي جون موڪلون جون ۽ جولاءِ بدران پهرين جولاءِ کان 31 آگسٽ تائين ڪيون وڃن، اهڙي سمري جي وڏي وزير منظوري ڏئي ڇڏي آهي، هاڻ ٻن مهينن جي موڪلن کانپوءِ اسڪول پهرين سيپٽمبر تي کلندا. |
|
The Kawish Group of
Publication |