ڏکڻ ڪوريا جي پرڏيهي وزير ڌيءَ کي وزارت ۾ نوڪري ڏيارڻ جي الزامن بعد استعيفا ڏئي ڇڏي

سيئول (فارين ڊيسڪ) ڏکڻ ڪوريا جي پرڏيهي وزير پنهنجي وزارت ۾ ڌيءَ کي نوڪري ڏيارڻ جي الزامن بعد استعيفا ڏئي ڇڏي آهي، پرڏيهي وزير يوينگ وان مٿان الزام هو ته هن پنهنجي 35 سالن جي ڌيءَ کي وزارت ۾ هڪ وچئين درجي جي نوڪري ٽريڊ ايڪسپرن طور رکرايو آهي، اهڙا الزام لڳڻ بعد هن استعيفا صدر حوالي ڪري ڇڏي، يوينگ وان جو چوڻ آهي ته منهنجي ڌيءَ 2 ڀيرا انٽرويو ڏنو، ٻئي ڀيري هوءَ اها نوڪري حاصل ڪرڻ ۾ ڪامياب ٿي آهي، هن چيو ته مون تي الزام لڳڻ بعد منهنجي ڌيءَ نوڪري ڇڏڻ جو چيو پر مون کيس منع ڪئي ۽ پاڻ استعيفا ڏيڻ جو فيصلو ڪيم، واضح رهي ته اهڙن الزامن بعد پرڏيهي وزير جمعي تي عوام کان معافي به ورتي هئي.